Juuli 2016-imi atuisunut akit
2016-imi januaarimiit 2016-imi juulimut atuisunut akit 0,2 pct.-imik qaffapput, ukiup siuliani piffimmi pineqartumit tamanna mikineruvoq. Ukiup siuliani atuisunut akit 0,5 pct.-imik qaffapput. 2012-imi juulimiit 2016-imi juulimut ukiup affakkaarlugit atuisunut akit nikittarneri titartagaq 1-imi takuneqarsinnaapput.
Titartagaq 1. 2012-imi januaarimiit 2016-imi januaarimut atuisunut akit, ukiup affakkaarlugit nikittarneri procentinngorlugit,
Najoqqutaq: http://bank.stat.gl/PRNPRISV Indeks (2008=100)
Atuisunut akit ukiumut ingerlanerat
2015-imi juulimiit 2016-imi juulimut atuisunut akit 0,9 pct.-imik qaffariarput. Qaammatini aqqaneq marlunni akit nikerartarneri procentinngorlugit titartakkami 2-mi takutinneqarput.
Titartagaq 2. Atuisunut akit, qaammatini aqqaneq marlunni nikerartarneri procentinngorlugit
Najoqqutaq: http://bank.stat.gl/PRNPRISV Indeks (2008=100)
Ineqarnermut atuisunut akip naleqqersuutaata ineriartornera
Pisiassat immikkuutaartup Inigisaq ukiumut akip qaffattarneranut sunniuteqangaatsiartarpoq. Takuneqarsinnaasutut titartagaq 3-mi Inigisap ineriartornera ukiut ingerlanerini nikerarpoq, Inigisaq apparaangat qaffakkaangalluunniit Inuussutissat kiffartuussinerillu ataatsimut sammivianut malinnaasarpoq. Innaallagiaq kiassarnerlu Inigisap ataaniittut, orsussap akiata apparneranut sunnerneqarput, Inigisap akikillineranut ukiullu taamaalinerani akip annikinnerusumik qaffanneranut kinguneqartitsisumik.
Titartagaq 3. Inuussutissat kiffartuussinerillu ataatsimut Inigisallu atuisunut akip naleqqersuutaasa ukiumut qaffattarnerat 2012 juulimiit 2016 juulimut
